ពលករកម្ពុជាដែលបញ្ជូនតាមរយះក្រុមហ៊ុន ថប មេនផៅវ័រ បានទៅធ្វើការនៅក្រុមហ៊ុន ស៊ីភី ផលិតសាច់ជ្រូក នៅប្រទេសថៃ បានទទួលនូវអត្ថប្រយោជន៍ច្រើនដោយមានការយកចិត្តទុកដាក់ពីក្រុមហ៊ុនបញ្ជូន និងនិយោជកដែលមានគោលនយោបាយលើកស្ទួយកម្មករនិយោជិតខ្លួន ការមើលថែ ដែលបានធ្វើអោយគ្រួសារពលករដែលបានទៅធ្វើការនៅទីនោះបានប្រាក់សន្សំយកមកកសាងផ្ទះ ទិញគោ ក្របី បញ្ជូនកូនទៅសាលារៀនជាដើម។
ដោយមានការយកចិត្តទុកដាក់តាមគោលនយោបាយគ្រប់គ្រងធនធានមនុស្សដ៏ល្អរបស់រោងចក្រ ក្រុមហ៊ុន ស៊ីភី បានទទួលនូវបណ្ណសរសើរពីក្រសួងការងារនិងបណ្តុះបណ្តាលវិជ្ជាជីវះក្នុងការគ្រប់គ្រងកម្លាំងពលកម្មកម្ពុជា និងផលប្រយោជន៍ទទួលបានរបស់ពលករនិងគ្រួសារក្នុងការធ្វើការនៅក្នុងរោងចក្ររបស់ក្រុមហ៊ុន ស៊ីភី ប្រទេសថៃ។